Қазіргі заманауи психологиядағы зерттеулер бағыты және инновациялар (шет елдік зерттеулер тәжірибесінен)

Аңдатпа

Мақалада  қазіргі замануи   психологиядағы зерттеулерді талдай отырып,  салыстырмалы интеллектуалды платформа жасалады. Шет елдік жаңа заманауи зерттеулер бағытын талдау Қазақстандық психология ғылымының интеллектуалды әлеуетін  көтерудің негізі болатыны талданады. Психология ғылымының қазіргі жаңа бағыттағы   кәсіби  зерттеулері  ғылыми іс-сапар негізінде таныс болған  зерттеулер жан жақты  талқыланады. Мақалада талқыланған конгресстер мен конференцияда қаралған көптеген психологиялық зерттеу жұмыстарының   барлығы дерлік  әлеуметтік сфералар мен  уақыт сұраныстарын толық қамтыған  зерттеулер екенін байқауға болады.

Жаңа уақыт талабына  сай ғылым мен білімді, өндірісті интеграциялауды  дамыту бағытындағы жүргізіліп жатқан Қазақстандағы нәтижелі ғылыми зерттеулеріне   шет елдік зерттеулердің берері көп.  Мақалада  Тынық мұхиты аумағы бойынша Азия құрлықтарындағы ғылыми зерттеулерді талдай отырып, өзіміздің зерттеулердің бағытын анықтаудағы әлемдік  ғылыми психологиялық зерттеулердің негізімен таныстырылады.

      Африкадағы, Жапониядағы әлемдік конгресс зерттеулері және Сингапурдағы аса беделді ұйым  жаҺандану ғылымдарының технологиялық форумы (GSTF) туралы талданып, осы ұйым өткізіп жатқан конференциялардың куәсі болған авторлар Сингапурдағы когнитивті бихевиориалды психология конференциялардағы зерттеулерін талқылайды.  Көптеген инновациялық зерттеулермен таныса келе, өзіміздің инновациялық әлеуетімізді де көтере аламыз деп авторлар өз ойларын түйіндейді.